Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Машғулияти хизматӣ дар РВКД дар минтақаи Рашт

Имрӯз (03.02.с.2017) дар РВКД дар минтақа ва ноҳияи Рашт бо иштироки роҳбарият, ҳайати шахсӣ ва сардорони гурӯҳҳои кор бо ноболиғону ҷавонон, бахшҳои ҳифзи тартиботи ҷамъиятӣ ва Шуъбачаҳои милитсияи шаҳракҳо аз тамоми ноҳияҳои минтақаи мазкур машғулияти хизматӣ доир гардид.

Зимни машғулияти хизматӣ сардори Раёсати Вазорати корҳои дохилӣ дар минтақа ва ноҳияи Рашт полковники милитсия Шафизода Рустам Исмоил баромад намуда, доир ба иҷрои талаботҳои Қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд ва «Дар бораи танзими анъана ва ҷашну маросимҳо дар Ҷумҳурии Тоҷикистон» суханронӣ намуд.
Ҳамчунин, зимни суханронӣ номбурда дар назди ҳайати шахсӣ моҳият ва мафҳуми қонунҳои мазкурро шарҳ дода, доир ба риоя, иҷро ва ӯҳдадориҳои падару модарон, омӯзгорон ва нозирони минтақавӣ таъкид намуд.
Зикр гардид, ки дар минтақаи Рашт наздики 400 муассисаҳои таҳсилоти умумӣ мавҷуд мебошад, ки мутобиқи дастуру супоришҳои Вазири корҳои дохилӣ генерал-лейтенанти милитсия Раҳимзода Рамазон Ҳамро Нақша-чорабиниҳо тартиб дода шуда, ҳамаи кормандони милитсияи минтақа дар самти пешгирӣ аз ҳуқуқвайронкунӣ дар байни ноболиғону ҷавонон дар муассисаҳои таълимӣ бо мактаббачагону омӯзгорон вохӯриҳо ташкил намуда, корҳои фаҳмондадиҳӣ гузаронидаанд.
Ҳамчунин, сардори РВКД дар минтақа ва ноҳияи Рашт полковники милитсия Шафизода Рустам Исмоил доир ба риояи қонуният, интизоми хизматӣ ва пешгирии ҳаракатҳои хусусияти коррупсионӣ дар байни кормандон ва мубориза бар зидди ин зуҳуроти номатлуб сухан ронда, қайд кард, ки Сарвари давлат муҳтарам Эмомалӣ Раҳмон дар Паёми имсола ба Маҷлиси Олӣ таъкид доштанд, ки мубориза бо коррупсия танҳо вазифаи мақомоти корҳои дохилӣ набуда, дар мубориза бо он тамоми аҳли ҷомеа ва ҳар як шаҳрванд вазифадор аст ва ва мо метавонем якҷоя бо ин амали зишти номатлуб мубориза барем.
Мавсуф содиқ будан ба Савганд, софдилона ва содиқона иҷро намудани вазифаҳои хизматӣ, иҷроиши сарвақтии Фармон ва дастуру супоришҳои роҳбарияти Вазорати корҳои дохилии Ҷумҳурии Тоҷикистонро аз ҳайати шахсӣ қатъиян талаб намуд.
Дар хотимаи машғулияти хизматӣ саволу ҷавоб сурат гирифта, кормандон аз посухҳои гирифтаи худ қаноатманд гардиданд.
Гул Маҳбуба, подполковники милитсия. 


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика