Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Эълон оид ба қайди муҳоҷиратӣ аз 1-уми июн то 12-уми июли соли 2017

Ба таваҷҷӯҳи шаҳрвандон расонида мешавад, ки мутобиқи Амри Президенти Федератсияи Россия аз 9-уми майи соли 2017, таҳти рақами 202 «Дар бораи хусусиятҳои татбиқи чораҳои бехатарӣ дар давоми баргузории Ҷоми конфедератсияи ФИФА дар соли 2017 дар Федератсияи Россия» аз санаи 1-уми июн то 12-уми июли соли 2017 дар шаҳрҳои Қазон, Москва, Санкт-Петербург ва Сочи мӯҳлати ба қайди муҳоҷиратӣ дар мақомоти дахлдор гузоштани (регистратсияи) шаҳрвандони хориҷӣ ва шахсони бешаҳрвандӣ 1 шабонарӯз муқаррар карда шудааст.

Бинобар ин, ба диққати шаҳрвандони Ҷумҳурии Тоҷикистон, ки бо мақсади фаъолияти меҳнатӣ, барои будубоши муваққатӣ, ё доимӣ дар давраи баргузории мусобиқаи Ҷоми конфедератсияи ФИФА дар соли 2017 ба шаҳрҳои номбурда рафтан мехоҳанд, мерасонем, ки бояд давоми 1 шабонарӯз худро ба қайди муҳоҷиратӣ гузоранд.
Дар сурати надоштани имконияти дар 1 шабонарӯз ба қайди муҳоҷиратӣ гузоштан, аз сафар ба шаҳрҳои мазкур худдорӣ намоянд. Зеро чорабиниҳои амниятӣ аз ҷониби мақомоти дахлдор дар давраи мусобиқот пурзӯр гардида, нисбати қоидавайронкунандагон чораҳои қатъӣ татбиқ карда мешавад.
Барои гирифтани маълумоти муфассал бо телефони 223-23-31 муроҷиат намоед.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

Qonun1

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика