Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

ВКД ба Китобхонаи миллии Тоҷикистон китоб эҳдо намуд

139

Китобхонаи миллии Тоҷикистон тасмим гирифтааст, ки минбаъд китобҳоро мувофиқ ба талаботи хонандагон ҳам ба таври ройгон ва ҳам ба таври харидорӣ намудан ба фонди китобхона ворид намояд.

Бо огоҳ гардидан аз ин иқдоми пешгирифтаи роҳбарияти Китобхонаи миллии Тоҷикистон Вазири корҳои дохилӣ генерал-полковники милитсия Раҳимзода Рамазон Ҳамро зиёда аз 26 номгӯ китоб ба забони тоҷикӣ ва 20 номгӯи дигар ба забони русӣ, ки дар маҷмӯъ 168 ададро ташкил менамоянд, ба Китобхонаи миллӣ тӯҳфа намуд. Китобҳои эҳдошуда мувофиқ ба дархосту пешниҳодоти хонандагони китобхона буда, доир ба ҳуқуқ, фаъолияти оперативӣ-ҷустуҷӯӣ ва ҳамчунин, китобҳои адабие мебошанд, ки метавонанд дар тарбияи маънавӣ-эстетикии ҷавонон саҳми арзанда гузоранд.
Хусусан, китобҳои дарсии «Фаъолияти оперативӣ-ҷустуҷӯӣ» нашрҳои солҳои 2012, 2014, 2015 ва 2017 (муаллиф Рамазон Раҳимзода), «Сиёсати зиддикоррупсионӣ», «Ҳуқуқи мурофиавии ҷиноятӣ», «Мурофиаи ҷиноятӣ», «Илми дақиқ дар кори сӯхтор» ва дигар китобҳои марбут ба соҳа, ки дастаҷамъона аз ҷониби олимони Вазорати корҳои дохилӣ навишта шудаанд, ба китобхона ворид гардиданд.
Бояд зикр намуд, ки китобҳои дар боло номбаршуда талаби замон буда, аз ҷониби муштариёни китобхона ҳамарӯза дархост карда мешаванд. Китобҳои зикршуда баъд аз коркард ва ҷойгир намудан дар феҳристҳо ба гӯшаи китобҳои Вазорати корҳои дохилӣ дар Китобхонаи миллии Тоҷикистон интиқол дода шуда, мавриди истифодаи хонандагон қарор дода мешаванд.
Директори Китобхонаи миллии Тоҷикистон Абдусалом Мирализода дар суҳбат бо мо зикр намуд, ки «Китобхонаи миллии Тоҷикистон тасмим гирифтааст, ки минбаъд китобҳоро мувофиқ ба талаботи ҳаррӯзаи хонандагон ба таври ройгон ва ё ба таври харидорӣ намудан ба фонди китобхона ворид намояд. Дар ин иқдоми нек ВКД саҳми худро гузошт ва Китобхонаи миллии Тоҷикистон дар оянда барои дар якҷоягӣ баргузор намудани чорабиниҳои фарҳангӣ ва воридоти китобҳо ҳамкориро бо ВКД ва дигар вазорату кумитаҳо ба хотири анӣ гардонидани фонди китобхона, ки ганҷинаи маънавии миллат маҳсуб мегардад, хубтару беҳтар ба роҳ мемонад».

140

Ба иттилои масъулини Китохонаи миллии Тоҷикистон рӯз то рӯз сафи хонандагони китобхона афзоиш ёфта, талабот ба адабиёти соҳаи тиб, ҳуқуқ, фарҳанг ва дигар китобҳои тозанашр афзоиш ёфтааст. Аз ин рӯ, бо роҳҳои гуногун ворид намудани китобҳои мавриди ниёзи хонандагон дар оянда яке аз самтҳои асосии фаъолияти Китобхонаи миллии Тоҷикистон маҳсуб меёбад.
Наврӯз ҶОБИРОВ


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

Qonuni

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика