Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон


Миёни милитсия ва ҷомеа бояд робитаи доимӣ таъмин бошад!

99

Дар вохӯрие, ки рӯзи 7-уми феврал дар маҷлисгоҳи Раёсати Вазорати корҳои дохилӣ дар шаҳри Душанбе оид ба муаррифии натоиҷи «Нақшаҳои профилактикӣ доир ба масъалаҳои бехатарии ҷомеаҳои мақсаднок» доир гардид, Ҳамоҳангсози миллӣ оид ба ислоҳоти милитсияи ВКД генерал-майори милитсия Фарҳодбек Шодмонзода, сардори РВКД дар шаҳри Душанбе генерал-майори милитсия Назарзода Шариф Раҳмон, мушовири калони Дастгоҳи Вазири корҳои дохилӣ полковники милитсия Қудратулло Ғуломов, муовини раиси Шӯрои ҷамъиятии назди РВКД дар шаҳри Душанбе Неъматулло Билолов, намояндагони ташкилоти байналмилалии «Дунёи бехатар», воситаҳои ахбори омма ва мақомоти иҷроияи ҳокимияти давлатии маҳаллии ноҳияҳои шаҳри Душанбе иштирок намуданд.
Дар вохӯрӣ нахуст сардори РВКД дар шаҳри Душанбе генерал-майори милитсия Назарзода Шариф Раҳмон суханронӣ намуда, қайд кард, ки мақсад аз ташкил намудани Шӯрои ҷамъиятӣ таъмини ҳамкории пайвастаи мақомоти корҳои дохилӣ бо мардум мебошад, ки ин раванд ба афзудани боварии ҷомеа нисбати ин мақомоти бонуфузи давлатӣ мусоидат менамояд. Ҷомеа бояд ҳамеша бо мақомоти милитсия робитаи наздик дошта бошад. Имрӯз ҳамагон шоҳиди он ҳастем, ки бо дастгирии бевоситаи роҳбарияти олии кишвар ва Раиси шаҳри Душанбе Рустами Эмомалӣ пойтахти Ватани мо - шаҳри Душанбе, рӯз то рӯз ободу зеботар гардида истодааст. Ҳамаи ин ғамхориҳо мо - кормандони мақомоти милитсияро ба он водор месозад, ки бояд баҳри ҳифзи тартибу низом дар ҳудуди пойтахт ҳамеша бо шаҳрвандон дар робитаи наздик қарор дошта бошем.

100

- Милитсияи пойтахт имрӯзҳо мавриди таваҷҷуҳу ғамхориҳои пайвастаи Ҳукумати Ҷумҳурии Тоҷикистон ва мақомоти иҷроияи ҳокимияти давлатии шаҳри Душанбе қарор дошта, он аз ҷониби Вазири корҳои дохилӣ генерал-полковники милитсия Раҳимзода Рамазон Ҳамро ҳамаҷониба дастгирӣ меёбад, ки ин ҳама боиси дар байни мардум баланд гардидани нуфузу мартабаи мақомоти мазкур шудааст. Вақте ки чунин аст, пас мо бояд ҳамеша ҷаҳду талош намоем, ки ба ин боварӣ сазовор бошем, - иброз намуд дар охири суханронии худ Ш. Назарзода.
Дар идомаи вохӯрӣ, ҳамчунин Ҳамоҳангсози миллӣ оид ба ислоҳоти милитсияи ВКД генерал-майори милитсия Фарҳодбек Шодмонзода баромад намуда, дар баробари корҳои анҷомдода, ҳамзамон аз сафари кории худ ба Ирландияи Шимолӣ ёдовар шуд. Тавре ӯ иброз намуд, мақсад аз ин сафар омӯзиши таҷрибаи ин кишвари мустамликавӣ дар роҳи ворид намудани ислоҳот ба мақомоти корҳои дохилии он буд. Зеро Ирландияи Шимолӣ низ чун Тоҷикистон ҷанги шаҳрвандиро аз сар гузаронидааст.
- Тавре мо зимни ин сафари омӯзишӣ мушоҳида намудем, бо шарофати ворид намудани ислоҳот ба мақомоти политсияи ин кишвари аврупоӣ, он тавонист дар давраи 30 соли баъдиҷангӣ бо фаъолиятҳои назарраси худ сазовори боварию эътимоди мардуми ин давлат бигардад. Имрӯз ҷомеаи ин кишвар тинҷу ором буда, мардумаш бо политсия дар робитаи наздику доимӣ қарор доранд. Омӯзиш ва дар амал татбиқ намудани ин таҷрибаи Ирландияи Шимолӣ барои Тоҷикистон, аз ҷумла барои мақомоти корҳои дохилии кишвари мо хеле зарур аст, - гуфт Ф. Шодмонзода.

101

Дар идомаи чорабинӣ, инчунин муовини раиси Шӯрои ҷамъиятии назди РВКД дар шаҳри Душанбе Неъматулло Билолов ва узви Шӯрои мазкур Гулпарӣ Латипова оид ба фаъолияти кории ин созмони ҷамъиятӣ ибрози андеша карданд.
Мушовири калони Дастгоҳи Вазири корҳои дохилӣ полковники милитсия Қудратулло Ғуломов дар баромади худ оид ба кори Шӯро ҳисобот дода, доир ба фаъолияти телефонҳои боварии мақомот ва дигар корҳое, ки дар самти наздик намудани робита миёни милитсия ва ҷомеа тайи солҳои охир амалӣ гардидаанд, маълумот дод.
Дар интиҳои ин ҷамъомади судманд миёни иштирокчиёни он табодули афкор сурат гирифта, пешниҳод гардид, ки Шӯроҳои ҷамъиятие, ки дар назди ҳар як ШВКД фаъолият менамоянд, бояд бо ҳуҷраҳои корӣ таъмин бошанд.

София ШОИКОВА




Рӯйдодҳо

  • Маҳфили шеър дар Вазорати корҳои дохилӣ

    Рӯзи 22-юми феврали соли 2019 дар толори маҷлисгоҳи Вазорати корҳои ....

    22.02.2019 15:59
  • Дуздии 5 халта писта ба маблағи 13 ҳазор сомонӣ

    Ба ШВКД дар ноҳияи Данғара бо ариза марди 37-солаи сокини ....

    22.02.2019 08:55
  • Ошкор шудани 4 ҳолати қаллобӣ аз ҷониби як нафар

    Ба ШВКД-1 дар ноҳияи Шоҳмансур аризаи марди 53-солаи сокини ноҳияи ....

    22.02.2019 08:52
  • Ташкили фоҳишахона дар хонаи писари амак

    Зимни доир намудани чорабиниҳои оперативӣ-ҷустуҷӯӣ аз ҷониби кормандони милитсия зани ....

    22.02.2019 08:50
  • Пахши пиёдагард ҳангоми гузаштан аз роҳ

    Рӯзи 21-уми феврали соли 2019, тахминан соатҳои 18:30-дақиқа, ронандаи автомашинаи ....

    22.02.2019 08:48
  • Ошкорёбии 11 ҳолати идоракунии воситаи нақлиёт дар ҳолати мастӣ

    Аз ҷониби кормандони Шуъбаи БДА Раёсати ВКД дар шаҳри Душанбе ....

    21.02.2019 10:40
  • Баргузории амалиёти шартии «Микроавтобус»: Ҷаримабандии 1647 нафар ронандагони воситаҳои нақлиёт

    Мақомоти милитсияи пойтахт ҷиҳати таъмини тартиботи ҷамъиятӣ, пешгирии амалу кирдорҳои ....

    21.02.2019 10:26
  • Расонидани зарари вазнини ҷисмонӣ дар ҳолати мастӣ

    Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 27-солаи ....

    21.02.2019 08:55
  • Муайян ва ошкор гардидани ҳолатҳои қаллобӣ

    Ба ШВКД-2 дар ноҳияи Сино бо ариза марди 61-солаи сокини ....

    21.02.2019 08:54
  • Артиши миллӣ рамзи матонат ва қаҳрамонӣ

    Артиши миллӣ дар Тоҷикистони соҳибистиқлол ҳамчун такягоҳи асосии давлат ....

    20.02.2019 15:53
  • 

    Гӯшаи эълон ва озмунҳо

  • Эълони ҷаласаи Гурӯҳи корӣ оид ба идораи ислоҳоти милитсия

    Рӯзи 12-уми марти соли 2019, соати 10:00, бо ташаббуси Вазорати ....

    21.02.2019 09:54
  • Диққат! Амалиёти «Пиёдагард”

    Бо мақсади баланд бардоштани интизоми иштирокчиёни ҳаракат дар роҳ, махсусан ....

    09.02.2019 12:23
  • Эълони Нишасти матбуотӣ дар ВКД

    14-уми феврали соли 2019, соати 11:00-дақиқа, дар Вазорати корҳои дохилӣ ....

    04.02.2019 17:28
  • Ҳамкорӣ бо РМЗҶМ ВКД Ҷумҳурии Тоҷикистон

    Раёсати мубориза бар зидди ҷиноятҳои муташаккили ВКД Ҷумҳурии Тоҷикистон ҷиҳати ....

    31.01.2019 16:50
  • Оғози мусобиқаҳои варзишӣ бахшида ба «Солҳои рушди деҳот, сайёҳӣ ва ....

    Аз 25-уми январ то 28-уми феврали соли 2019, мусобиқаҳои кушоди ....

    22.01.2019 16:22
  • ЭЪЛОН!!!

    Раёсати БДА ВКД Ҷумҳурии Тоҷикистон ба диққати ронандагони воситаҳои нақлиёт ....

    19.12.2018 09:22
  • Нигористон

    Табиат

    Ҷаҳони имрӯз

    Дар Дания қонун оид ба манъи дар ҷойҳои ҷамъиятӣ пӯшидани либосе, ки рӯйро мепӯшонад, аз ҷумла либоси мусулмонӣ барои занон, ба қувваи қонунӣ даромад, итттилоъ медиҳад ҳафтаномаи даниягии Jyllands-Posten. Дар зери «ҷойҳои ҷамъиятӣ» дар қонун нақлиёти ҷамъиятӣ, муассисаҳои таҳсилотӣ, идораҳои давлатӣ ва беморхонаҳо дар назар дошта шудааст. Қонунвайронкунандагонро ҷарима дар ҳаҷми як ҳазор крони даниягӣ (134 евро) ва барои «ритсидивистҳо» (якчанд бор такрор кардани ҷиноят), ки қонунро чор маротиба вайрон мекунанд, ....>>>

    

    Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

    Qonuni

    © 2019 Сомонаи расмии Вазорати корҳои дохилии Ҷумҳурии Тоҷикистон.
    Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
    Яндекс.Метрика