Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Санҷиши низоми таҳсили хонандагон камбудиҳоро ошкор кард!

Тарбияи ноболиғону ҷавонон вазифаи ҷонии падару модар, масъулини муассисаҳои таълимӣ ва ҳар фарди солимфикри ҷомеа маҳсуб ёфта, пешрафту шукуфоӣ ва ояндаи ҷомеа аз ин насли бунёдгар вобастагии калон дорад. Вале, мутаассифона, ҷой доштани ҳолатҳои беҳудагардиву бадахлоқӣ ва бетартибии баъзе намояндагони ин насли умедбахш ҳангоми дарс, дар баробари бемасъулиятии волидон, ҳамзамон то ҷое аз бепарвоии омӯзгорони муассисаҳои таълимӣ низ гувоҳӣ медиҳад.
Мавриди зикр аст, ки бо мақсади пешгирии ҳуқуқвайронкунӣ ва дигар амалу кирдорҳои номатлуб дар байни наврасону ҷавонон, кормандони Хадамоти пешгирии ҳуқуқвайронкунӣ байни ноболиғон ва ҷавонони Вазорати корҳои дохилӣ (ХПҲНҶ ВКД) пайваста дар муассисаҳои таълимӣ чорабиниҳои пешгирикунанда ва санҷишҳои муштарак мегузаронанд.

Аз ҷумла, ҳангоми гузаронидани санҷиши навбатие, ки дар муассисаҳои таҳсилоти миёнаи умумии рақамҳои 11, 37, 50 ва 56-и пойтахт доир карда шуд, муайян гардид, ки дар соатҳои дарсӣ бархе хонандагон дар машғулиятҳо иштирок надошта, ба корҳои беҳуда машғул буда, либосҳои мактабӣ ва намуди зоҳириашон низ ба талабот ҷавобгӯй набуданд.
Тавре санҷиши гузаронидашуда нишон дод, иштироки хонандагон дар дарсҳо на чандон фаъол буда, ҳангоми мушоҳидаи рақами тартибии журнали синфӣ маълум гардид, ки дар ҳар синфхона 7-8-нафарӣ дар дарс иштирок надоранд. Ончуноне ки мушоҳида карда шуд, ҳатто дар баъзе синфхонаҳо бо вуҷуди оғоз шудани соати дарсӣ, аз омӯзгорон дараке набуд.
Ногуфта намонад, ки чунин чорабиниву санҷишҳои кормандони Хадамоти пешгирии ҳуқуқвайронкунӣ байни ноболиғон ва ҷавонони Вазорати корҳои дохилӣ дар муассисаҳои таълимӣ, ки дар асоси нақша-чорабиниҳо роҳандозӣ мешаванд, дар оянда низ доир карда мешаванд.
Муайяну ошкор намудани камбудиҳо дар масъалаи таълиму тарбияи насли наврас дар ин муассисаҳои таҳсилоти миёнаи умумии пойтахт дар ҳолест, ки маориф аз соҳаҳои афзалиятноки сиёсати дохилии Ҳукумати Ҷумҳурии Тоҷикистон ба ҳисоб рафта, роҳбарияти давлат ҷиҳати беҳдошти вазъи таълиму тарбияи насли наврас ва ҷавонон тамоми чораҳоро андешида истодааст. Маҳз ҳамин гуна таваҷҷуҳи доимии Ҳукумати кишвар аст, ки тайи солҳои охир дар саросари мамлакат садҳо иншооту биноҳои муассисаҳои таълимӣ бунёду навсозӣ гардида, бо беҳтарин шароити кору таҳсил таъмин карда шудаанд.

Аз ин рӯ, масъулини соҳаи маориф, аз ҷумла маъмурияти муассисаҳои таҳсилоти миёнаи умумиеро, ки ҳангоми санҷишҳои кормандони милитсия камбудиҳояшон рӯйи об баромаданд, зарур аст, ки бо андешидани чораҳои лозимӣ ҳарчи зудтар камбудиҳоро бартараф намуда, низоми муназзами таҳсили хонандагонро таъмин намоянд.
Набояд фаромӯш кард, ки аз чӣ гуна имрӯз таълиму тарбия намудани насли наврасу ҷавон ояндаи давлату миллат вобастагӣ дорад.
Абдулло Шоев, нозири калони гурӯҳи матбуотии ХПҲНҶ ВКД, капитани милитсия 


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон!Ҳамватанони азиз! Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад. Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст. Соли ҷорӣ дар гӯшаҳои гуногуни олам нооромиву низоъҳо идома ёфта, барои ҷомеаи ҷаҳонӣ ҳамчун айёми душвору пуртазод эътироф гардид. Дар ин давра зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт. Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат ....>>>

Qonun1

© 2018 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика