20.05.2012 10:15

Аз ҷониби кормандони милитсия аризаи шаҳрванд Қурбонов Шарифбек Меликшоевич соли таваллудаш 1977, истиқоматкунандаидеҳаи Андигон, ворид гардидааст, ки моҳи августи соли 2011, ааҳрванд Соҳибова Гулшод Қутбиддиновна соли таваллудаш 1980, истиқоматкунандаи ҷамоати деҳаоти Гулистон, деҳаи Ҳуснобод , бо роҳи фиреб ба бовариаш даромада, худро корманди ҳуқумати ш.Ваҳдат муаррифи намуда, аз ӯ 15000-доллари медиҳад, аммо маблағро гирифта, то ҳол барнагардонидааст.  Ҳамчунин худи ӯ Соҳибова  Г.Қ моҳи августи соли 2011, бо ҳамин роҳ ба боварии шаҳрвандҚурбонова Назиргул Гулматовна соли таваллудаш 1954, истиқоматкунандаи кӯчаи Темурмалик, хонаи 28, ҳавлии 13, даромада, аз ӯ 24000-доллари ИМА гирифта, ваъда додааст, ки бар ивазаш 0,12-га, қитъаи замини наздиҳавлигӣ гирифта медиҳанд, аммо маблағро гирифта, то ҳол барнагардонидааст.

19.05.2012 15:31

  Тавре шумо огоҳи доред аз иттилоотҳои қаблан пешкаш намудаамон, як гурӯҳи муташаккили ҷиноӣ бо роҳбарии Худойназар Одинаев, ки дар таърихи 03.03.2012 сол дар корхонаи «Обшорон»-и шаҳри Душанбе нисбати шаҳрвандони Ҷумҳурии халқии Хитой ҷинояти роҳзанӣ содир намуда, дар натиҷа 7 нафар ҷароҳати вазнин бардошта буданд. Оиди ин ҷиноят шаби 24 ба 25 марти соли 2012, 5 - нафар ашхос, аъзоёни ин гурӯҳи мутшаккили ҷиноятпеша дастгир гардида буданд. Аз рўи нишондодҳои дастгиршудагон ин гурӯҳи муташаккилро ҷинояткори махсусан хавфноки дар кофтуков қарордошта, Одинаев Худойназар Шарипович, соли таваллудаш 1967, сокини шаҳри Ваҳдат, ки дар содир кардани ҷиноятҳои роҳзанӣ, куштор, ва бандитизм даст дошт, роҳбарӣ мекард.
        Дар натиҷаи бурдани корҳои фаврӣ ҷустӯҷӯӣ аз тарафи кормандони мақомоти корҳои дохилӣ паноҳгоҳи дигар аъзоёни ин гурӯҳи муташаккил шаҳрвандон: Шоимқулов Рузиқул Олимқулович, соли таваллудаш 1968 зода ва истиқоматкунандаи шаҳри Ваҳдат ва  Холмуродов Хуршедҷон Ҳусейнович соли таваллудаш 1982, зода ва истиқоматкунандаи шаҳри Ваҳдат муайянкарда шуд. Ҳангоми гузаронидани чораҳои дастгиркунӣ  дар таърихи 17-майи соли ҷорӣ гумонбаршудагон аз паноҳгоҳашон воқеъ дар кӯчаи А. Навоӣ-и ноҳияи Синои шаҳри Душанбе амалӣ карда шуда, дастгир гардиданд.

19.05.2012 11:09

Ба дастуру супориши Роҳбари давлат таваҷҷӯҳи хоса зоҳир намудан, кӯмаку хамхорӣ, дастгириҳои пайваста ва бохабар будан ҳолу зиндагии собиқадорон ва иштирокчиёни Ҷанги Бузурги Ватанӣ ба ҳукми анъана даромада, ин амали хайр пайваста аз ҷониби роҳбарияти Вазорати корҳои дохилӣ нисбати ин родмардон анҷом дода мешавад. Аз ҷумла чунин як ғамхорӣ ва дастгирии моддӣ аз ҷониби Вазири корҳои дохилӣ генерал-лейтенанти милитсия Рамазон Раҳимов нисбати иштирокчиёни Ҷанги Бузурги Ватанӣ ва собиқадорони мақомоти корҳои дохилӣ дар вилояти Суғд анҷом дода шуд.Бо супориши Вазири корҳои дохилӣ бахшида ба 20-умин солгарди таъсисёбии Шӯрои собиқадорон гурӯҳи корӣ бо роҳбарии муовини Вазири корҳои дохилӣ генерал-лейтенанти милитсия Шералӣ Сабзов ба вилояти Суғд сафари корӣ анҷом дода, собиқадорон ва иштирокчиёни Ҷанги Бузурги Ватаниро бо ин санаи фархунда самимона табрик гуфтанд. Инчунин ба ин муносибат чорабинии бошукӯҳе ороста карда шуда, дар он аз заҳмату шуҷоат ва қаҳрамониҳои иштирокчиёни Ҷанги Бузурги Ватанӣ ёдовар гардида, саҳми онҳоро дар тарбияву тайёр намудани кормандони ҷавон баҳри ҳифзи марзу буми Ватани азизамон беандоза арзёбӣ намуданд. Вобаста ба ин санаи фараҳбахш ба 32 нафар собиқадорони мақомоти корҳои дохилӣ ба маблағи сесад сомонӣ ба ҳар кадомашон ва ба 5 нафар иштирокчиёни Ҷанги Бузурги Ватанӣ чорсад сомонӣ ва тӯҳфаҳои хотиравии қимматнок қадршиносӣ карда шуданд. Дар чорабинии мазкур инчунин қайд карда шуд, ки мардуми тоҷик ҳеҷгоҳ далериву шуҷоати онҳоро дар ҳимоя сарзамини аҷдодиашон фаромӯш нахоҳад кард ва дар оянда низ чунин амалҳои хайрхоҳона анҷом дода хоҳанд шуд.

19.05.2012 10:37

Дар вохӯрии Вазири корхои дохилии Ҷумҳурии Тоҷикистон генерал-лейтенанти милитсия Рамазон Раҳимов бо устодон ва донишҷуёни муассисаҳои олии касбии воқеъ дар шаҳри Душанбе , ки рӯзи 11- уми майи соли равон дар Донишгоҳи миллии Тоҷикистон баргузор шуд, муроҷиатномаи донишҷӯён ба аҳли ҷавонони кишвар қабул гардид.

19.05.2012 10:35

Аз ҷониби кормандони милитсия шаҳрванд Шукуров Абдуғаффор Эргашович соли таваллудаш 1964, истиқоматкунандаи ҷамоати деҳоти 1-Май деҳаи Кетмон-чопти, н.Турсунзода бекор, дастгир карда шуд, ки номбурда моҳи ноябри соли 2010 бо роҳи фиреб ба боварии шаҳрванд Раҳимов Мирзомахсум Абдуҷалилович  соли  таваллудаш 1986 истиқоматкунандаи  н.Шаҳринав, ҷамоати деҳоти А. Ҳасанов, деҳаи Зафар бекор, аз ӯ 30000 доллари ИМА гирифта то ҳол барнагардонидааст.

19.05.2012 10:35

Санаи 18.05. с2012, соати 03.30 дақиқа, ронандаи автомашинаи тамғаи номаълум, ҳангоми ҳаракат бо кӯчаи *50-солагии СССР* дар рӯ ба рӯи бинои №30, маҳаллаи-19, бехатарии воситаи нақлиётро риоя накарда, пиёдагар Файзиев Маҳкам Исобоевич соли таваллудаш 1965 истиқоматкунандаи маҳалаи-13 хонаи 8 ҳавлии 35, бекор-ро пахш намуда, аз ҷойи ҳодиса ғайб задааст. Дар натиҷа пиёдагард Файзиев М.И.,  ҷароҳати вазнини ҷисмонӣ бардошта дар ҷойи ҳодиса ба ҳалокат расидааст.

19.05.2012 08:36

Яке аз омилҳои асосии сарзадани садмаҳои нақлиётӣ ва ба хусус садамаҳои марговари нақлиётӣ ин аз меъёри муқараргардида зиёд намудани суръати ҳаракати воситаҳои нақлиёт ва риоя накардани қоидаҳои бехатарии ҳаракат дар роҳ мебошад ва барои пешгирии чунин ҳолатҳо кормандони милитсия пайваста дар ин самт чорабиниҳои пешгирикунанда доир менамоянд, вале баъзе аз ронандагон дар баробари дағалона вайрон намудани қоидаҳои ҳаракати роҳ, инчунин ба талаботи қонунии кормандони милитсия низ итоат намекунанд. Аз ҷумла соати тахминан 19.10 дақиқа ҳангоми фаъолият кормандони бахши бозрасии давлатии автомобили Воҳиди махсуси ВКД дар буриши кӯчаҳои Рӯдакӣ-Миршакар автомашинаи шахсии тамғаи «Порше Кайён» рақами давлатиаш 09-67 АК 01-ро, ки ба шаҳрванди Федератсияи Россия Мақсудов Сайёд Имомалиевич таълуқ дорад, барои дағалона вайрон намудани қоидаҳои ҳаракати роҳ боздошт намуданд, шаҳрванд Мақсудов ба талаботи қонунии кормандони милитсия итоат накарда, боз суръати ҳаракаташро аз меъёри муқарраргардида баланд намуда, ҳаракаташро давом медиҳад ва кушиши фирор намуданро мекунад. Аммо баъде чанде ин ронанда аз ҷониби кормандони Воҳиди махсус боздошт карда шуда нисбаташ бо моддаи 479 қисми 1 КҲМ протоколи ҳуқуқвайронкунии маъмурӣ тартиб дода шуда, барои чораҷӯӣ ба суди ноҳияи И. Сомонӣ ирсол карда мешавад. Дар рафти санҷиш, инчунин муайян карда мешавад, ки шаҳрванд Мақсудов Сайёд Имомалиевич қаблан низ бо чунин қоидавайронкуниҳо даст зада, ба ҷавобгарии маъмурӣ ҷалб карда шуда будааст ва пртоколи маъмурии корманди Воҳиди махсуси ВКД онро тасдиқ менамояд.
Суд бо далелҳои дар боло оварда шуда ҳаракатҳои ҳуқуқвайронкунанда Мақсудов Сайёд Имомалиевичро бо моддаи 479 қисми 1 КҲМ Ҷумҳурии Тоҷикистон барои итоат накардан ба амр ва талаботи қонунии корманди милитсия ва шахси дигар, ки вазифаи ҳифзи тартиботи ҷамъиятиро иҷро менамояд банду баст намуда, лозим донист, ки дар доираи санксияи моддаи 479 қисми 1 КҲМ ҷазои ҳабси маъмуриро нисбати ӯ ба мӯҳлати 5 шабонарӯз таъин намуд. Айни замон ҳуқуқвайронкунанда Мақсудов Сайёд Имомалиевич дар Шӯъбаи Вазорати корҳои дохилӣ дар ноҳияи И. Сомонӣ адои ҷазо намуда истодааст.

18.05.2012 13:41

Аз ҷониби кормандони милитсия дар кӯчаи Ҳ.Шерозии пойтахт шаҳрванд Мансуров Шавкат соли таваллудаш 1977, сокини ноҳияи Ҳисор, кӯчаи Гидразол, дастгир карда шуд, ки ҳангоми кофтукови шахсӣ аз борхалтаи ӯ 6 килою 996 грамм маводи нашъадори «ҳашиш» дарёфт ва мусодира карда шуд.  Аз рӯи ин ҳодиса парвандаи ҷиноӣ оғоз гардида, тафтиш идома дорад.

18.05.2012 13:40

Аз ҷониби кормандони милитсияи ШКД ш.Чкалов шаҳрванд Каримов Шамсуддин соли таваллудаш 1964, сокини кӯчаи Краснознамённий дастгир карда шудааст, ки номбурда аз моҳи марти соли 2012, беягон ҳуҷҷати тасдиқкунанда, худсарона 88-метри мураббаъи заминро аз назди ҳавлии истиқоматиаш азони худ намуда, дар он ҷо таҳкурсии бинои истиқоматӣ сохтааст. Инчунин аз ҷониби кормандони ШКД н.Хуросон муайян карда шуд, ки шаҳрванд Меликов Асомиддин соли таваллудаш 1953, сокини деҳаи Даҳана-киик моҳи майи соли 2012 дар ҳудуди деҳаи Правда аз ҳисоби заминҳои хоҷагии деҳқонии «М.Асадуллоев» бе иҷозати мақомоти дахлдор 0,10-га қитъаи заминро худсарона ишғол намуда, дар он ҷо хонаи истиқоматӣ бунёд намудааст.   

18.05.2012 13:39

Аз ҷониби кормандони милитсияи ШКД ноҳияи Б.Ғафуров бо гумони роҳзанӣ Исобобоев Рустам соли таваллудаш 1988, сокини ҷамоати деҳоти Хистеварз дастгир карда шуд, ки номбурда шаби 17 майи соли равон дар ҳудуди шаҳраки Ғафуров ба автомашинаи тамғаи «Опел-Астра», рақами давлатиаш ВР 59-02/РТ, ки ба шаҳрванд Маҳкамов Абдусаттор соли таваллудаш 1948, сокини ҷамоати деҳоти Исфисор, нафақахӯр, тааллуқ дорад, нишаста дар ҳудуди ҷамоати Хистеварз бо истифодаи зӯроварӣ ронандаи автомашина -Маҳкамов Абдусатторро фароварда, бо санг 1-маротиба ба сараш задааст. Сипас автомашинаашро, ки 4000 доллари амрикоӣ арзиш дорад, тасарруф намуда, аз ҷойи ҳодиса ғайб задааст. Аз рӯи ин ҳодиса парвандаи ҷиноӣ оғоз гардида, тафтиш идома дорад.